Ош мамлекеттик университети менен Жашыл Альянс Кыргызстан илимий жана билим берүү тармагындагы кызматташтыкты бекемдөөгө багытталган меморандумга кол коюу менен расмий түрдө өз ара аракеттенүүнү жолго коюшту.
Бул өнөктөштүктүн негизги максаты — илимий потенциалды өнүктүрүү жана жашыл экономика менен туруктуу өнүгүү багытындагы демилгелерди илгерилетүү.
Кызматташтыктын негизги багыттары:
✅ Биргелешкен изилдөөлөр: Тараптар жашыл экономиканын жана туруктуу өнүгүүнүн принциптерин жайылтууга жана популярдаштырууга багытталган изилдөөлөрдү жүргүзүшөт.
✅ Билим берүү иш-чаралары: Адистер менен студенттердин ортосунда билим жана тажрыйба алмашуу үчүн биргелешкен конференциялар, семинарлар, мастер-класстар жана башка иш-чараларды уюштуруу пландалууда.
✅ Илимий потенциалды өнүктүрүү: Жаш окумуштууларга жана студенттерге стажировкалар, гранттар жана стипендиялар сыяктуу ар кандай программалар аркылуу колдоо көрсөтүлүп, алардын илимий ишмердүүлүгү стимулдаштырылат.
✅ Билим берүү программаларын ишке ашыруу: Кызматташтыктын алкагында студенттер менен адистердин квалификациясын жогорулатуу максатында туруктуу өнүгүү жана жашыл экономика боюнча жаңы окуу программалары жана курстар иштелип чыгып, киргизилет.
Бул келишим Кыргызстанда илимий ачылыштар жана билим берүү прогресси үчүн жагымдуу шарттарды түзүүдө эки тараптын күч-аракетин бириктирип, жемиштүү өнөктөштүккө негиз түзөт.
