Кыргызстандын Жашыл альянсынын мүчөлөрү мамлекеттик органдарга жашыл технологиялар үчүн салык преференцияларын жана бажы төлөмдөрүн киргизүүнү сунушташты.
Алар ушул жана башка демилгелерин бүгүн, 4-февралда КР министрлер кабинетинин орун басары Арзыбек Кожошев жана бизнес коомчулук менен болгон жолугушууда билдиришти.
Иш-чараны Кыргыз Республикасынын Министрлер Кабинетинин алдындагы Бизнести өнүктүрүү кеңешинин катчылыгы уюштурду.
Диалогдун жүрүшүндө жашыл экономика боюнча башка маселелер көтөрүлдү, анын ичинде:
жашыл кредиттер жана FSH үчүн көрсөткүчтөр;
органикалык айыл чарба продукциясын өндүрүүчүлөргө кредиттерди берүүнү кийинкиге жылдыруу;
борбордук телеканал аркылуу фермерлер үчүн гидропоника, биогаз, тамчылатып сугаруу ж.б. өстүрүү сыяктуу эффективдүү жашыл чечимдерди киргизүү боюнча окуу программаларын түзүү.
Мындан тышкары, энергияны сарамжалдуу пайдаланууда бюджеттик уюмдардын ролу, ошондой эле энергиянын кайра жаралуучу булактарында микрогенерацияны өнүктүрүү механизмдерин ишке киргизүү боюнча маселелер көтөрүлдү.
Кыргыз Республикасынын Министрлер Кабинетинин Төрагасынын орун басары Арзыбек Кожошев айтылган сунуштарды жумушчу тартипте иштеп чыгуу жана аткарылган иштердин жыйынтыгы боюнча маалымат берүү боюнча тиешелүү министрликтерге протоколдук тапшырма берди.
